هيجت الشوق

موضوع: هيجت الشوق الأحد فبراير 22, 2009 7:40 am

[b]بسم الله الرحيم الرحمن
هيجت الشوق
هيجت عليا الشوق من تأنى
رجعته الريد الكم حاولته سنين
انساهوا وكم حاولته سنين ينساني
حركته نسائم البلد الساكن
ريدوا في قلبي وفى وجداني
لي عطبره كم غنيت مفتونك
قلبوا معنى ينشد فيك اغانى
شعلتي القلب المن ذكراهم دأب
في الشوق وأتوله ريد وامانى
وعشقته البلد الخلف من ارحاموا
رقيق ذي طبعك يا انسانى
يا نفح السوسن كم من بعدك
قلبي حزين مفطور بيعاني
يا روح الروح إنا ميت بعدك
وناسي الناس والناس ناسيانى
يا عطبره فيك حبيت جنيت
وأحيت العمر المات من تأنى
وكسرته رتابة الشعر الخامد
وأحييت مؤد الحرف الفاني
ونسجته على أطياف بسماتك كل
حياتي يا شغفي وعشقي ويا ايمانى
يجتره سنين العمر العشتوا معاك
أروع لحظات ساعات وثواني
بتمني الزمن الولي وفات
يرجع بالريد تزهر افنانى
رجعني وشيل من عمري سنين
وديني بلاد ذي الأعياد
تتنفس فرحه وريد وحنين
فيها الأشجار تطرح أسحار
والناس إحساس رقه وإخلاص
حلــوين طــيبين
يا عطــبره كم لي فيك خليل
علمني الريد والشوق والبين
اشجانى خيال اضنانى هزال
خلاني أقول موال بالعين
يا عطـــبره كم غنيت مفتون
لي ناس في رباك
طـيبين حــلوين
لي نـاس في رباك
حــلوين طـيبين

عوض موسى فضل السيد
الرياض في 27\2\2008

[/size][/size][/b]

[/size][/center][/size][/center]
[/size][/i][/center]
[/size][/b][/center]

» رنين الشوق