[b]بسم الله الرحمن الرحيم
إنا بعذرك
أنا بعذرك لو حتى
ما عندك عذر
لو غبته والأيام تطول
لو شلته نوم العين صبر
لو جرح الشوق الفؤاد
أو سرته فوق وهج الجمر
اصلو العيون واقفين معاك
والقلب والروح والعمر
*******
طوف المدائن وأستريح
في قلبي دائما ليك مكان
حدث عن الشوق العيون
زيد العيون بالريد حنان
ضمد جراح عاشق مريد
شايل غرامك بالزمان
ضوى الاماسي بنور هواك
واعزف علي وتر الكمان
شيل ذكرياتي معاك ذاد
وأديني من طيفك أمان
وانأ بعذرك لوحتي ما
عنك عذر
*******
قول ما تقول ما بينا
من لوم أو عتاب
أكسر رتابة عمرنا
وضوى المصابيح للرهاب
شتت شموس الابتسام
وارفع منارات السحاب
جادل تباريح الهوى
وحدث عن الشوق الصحاب
واجدل ضفائر النيل فرح
والبس نجوم الليل حجاب
وريني كيف الريد بكون
ذي قصة في أروع كتاب
وانأ بعذرك لوحتي
ما عندك عذر
عوض موسي فضل السيد
الخرطوم/ 15 6/ 2002
[/b]
[/size][/center]
[/size][/b]
[/center][/size][/center]
[/b][/b][/size][/b][/center]
موضوع: انا بعذرك 
الخميس فبراير 26, 2009 5:10 am