عوض المديــــر العــــام
المساهمات : 56 تاريخ التسجيل : 22/11/2008
| موضوع: ست البنات الي مولودة اخونا عادل نعمات نانا الثلاثاء يونيو 16, 2009 11:26 am | |
| [b][size=24] بسم الله الرحمن الرحيم ست البنات يا نانا يا ست البنات جايانا في الزمن الغريب اتبدل العرف القديم والدهر أصبح ما بطيب اتباعت الناس بالريال وأتلوث السم في الحليب وتغيرت كل القلوب وتلون الليل بالنحيب يا نانا يا ست البنات ياالجايا في الزمن العجيب أصبحنا عباد للريال نبر اهو في جحر الدبيب ننزله في دأب القروش
ويا ريتو ذلنا كان بجيب ونقرن الليل بالنهار شايلين خطانا علي اللهيب دمعاتنا والعرق البسيل مخلوطة بي دم القليب يا نانا يا ست البنات يا الجايا في الزمن الغريب ابوكي في عز الشباب والشيب خلاص عم السبيب وأمك سنونه انقلعت عاجنا له كسره معاها روب وعلو شي كبران غير عمر وعثمان مقالعك في الحليب والعمة ما قادرة الوقاف
والخالة ووووووووب والجدة شايلاك والهموم تتمني ليك عمرا رطيب يا نانا يا ست البنات الجايا في الزمن العجيب وكتبته ليك الذكريات تقريها في الجاي الخصيب العلم تاجك وملفحك والعزة والجاه والنصيب تبقي الرئيسة علي البلاد وتبقي المليكة علي القلوب نتمنى ليك المستحيل ما المولي دايما هو البجيب
عوض موسي فضل السيد الرياض في/12/6/2009م
[/size][/b] | |
|