عوض المديــــر العــــام
المساهمات : 56 تاريخ التسجيل : 22/11/2008
| موضوع: الولية المفترية السبت سبتمبر 26, 2009 4:51 pm | |
| بسم الله الرحمن الرحيم الولية المفترية الولية المفترية شالت النوم من عينيه الخبيز نيرانو حيه وشايله هم عيد الضحية الخروف من بدري جيبو وما تقول أنا ووب عليه ما تجيبو صغير وناشف وما تشمت ناس عليه أصلي عارفاك يا مسجم ما بتسر قلب البنية وما بتقول أرضيها عاشه بي غويشات أو هديه ******* والولية المفترية ماشه شحمانه وقويه لو أقول أديها هرشه تهبر أللحمه الطريه وبي عصي المقشاشه تهجم ذي مقاتل في سريه كم آذت بالحلة رأسي وكم شوت بالنار أيديه كم وكم بالنقة ودت روحي لي عالي العليه بالوليدات والمدارس والمشاكل الثــــــانويه ******* والوليه المفتريه علمت قلبي الاسيه والندامة بقت حكاية تروي للناس الاذيه مالي مال سهر الليالي والأناشيد الغبيه جبته لي نفسي الكأبه وجبته للروح البليه بالزواج ودرته ذاتي وخضته في النار بي أيديه والوليه المفتريه ماشه شحمانه وقويه ******** الوليه المفتريه ما بيه تعرف حالتي ديه حال موظف في بلدنا حالتوا تغني عن الشكيه المرتب هو المرتب والمعيشة علي السجيه والديون للركبة واصله والكوابيس منطقيه حتى في ألأحلام موكح بالولية المفتريه
عوض موسي فضل السيد الخرطوم/22/5/1996م
| |
|