سنتين مضت

موضوع: سنتين مضت السبت سبتمبر 26, 2009 5:02 pm

[b]بسم الله الرحمن الرحيم
سنتين مضت
سنتين مضت وأنا والرسائل
في خصام
ما سمعته من حرفك كلام
لا شفته ضحكات لا ملام
لا قلتي لي لا قلته ليك
لا داعب الأذان هيام
سنتين مضت وأنا
والرسائل في خصام
ما باليدين يا أغلي من
كل الحروف ما بالمراد
أسهرته بالشوق العيون
علمتها الريد والسهاد
حلقته بالروح في علاك
واخلفته يا أجمل معاد
قربته من حضن الغريب
ورجعته لجيت في البعاد
ما بالادين بعدك
ولا كان في المراد
سنتين مضت واللوم علي
طول البعاد ما كان عليك
ما قدرته يا أجمل حبيب
أتحمل الشوق لي عينيك
ما قدرته أسلاك وأستريح
لا قدرته أخلص من هواك
حاولته أتباعد أغيب
لكني دايما في لقاك
في كل نجمه أشوف عينيك
في كل بسمه أحس بهأك
ومهما السنين تمر تطول
بفضل مني العينين رؤاك

عوض موسي فضل السيد
جده / 25/6/1998م

[/b]