مرثية عثمان

موضوع: مرثية عثمان السبت فبراير 21, 2009 4:24 pm

[size=24][size=24][size=24][size=18]

[size=24]
بسم الله الرحمن الرحيم
مرثية للراحل
عثمان حسين
بكت الدموع ساعة
وصل مرسال عزاك
وقفت مراسيل ألأسي
وتحجرت ساعة أساك
عجزت مواويل الحزن
رحلت مع موكب لقاك
سالت دموع النيل وجع
فردوسك الخلد علاك
توتيل خشع وأتفجر البر كل
دموع غمرت سماك
واتوشحت شمس الوطن
لون السواد غابت معاك
يا حرف ذي مليون حرف
يا أية في تاريخ علاك
صدقني جرحك ما بطيب
والصبر ابعد من علاك
يا موكب الفرح الجميل
حتي الحجر حزنا بكاك
عثمان عليك دمعي الهتون
حزن الغصون لهفة ملاك
كم صغته من لون الفرح
ترنيمة تنفح من شذاك
كم خلد العود والكمان
لحظة أمل رسمت خطاك
كم سالت الدمعات فرح
واليوم تسيل شوق لي رؤاك
كم يا ملك شوقتنا وأذهلتنا
كم اهه تتخلل غناك
حتي القصائد في ذهول
مشدوهة تترقب خطاك
واللحن وألا مل الشفيف
والروعة يا الطيب ثراك
وكل الروائع يا بديع
والرحلة ما خلصت معاك
كم من قصيد دأب بين أيديك
والنور يشع يبهر سناك
يبكي الحسن يوم فرقتك
تبكي النفوس والنيل بكاك
تبكيك وداد يا فخرهم
والروح تطوف بين السماك
تبكيك ألوف أسعدتهم
بالكلمة والروح بي نداك
تنعيك شجن واحلي البنات
وقصتنا كيف تصبح بلاك
يبكيك صلاح فرقة واسي
تبكيك سهام مين في غلاك
تبكيك عفاف تبكيك زهور
طالب غريق دمعوا الرثاك
باز رعه خلك غاب مضي
والعود سكت خلاك براك
مين بالحروف يشجي الألوف
مين ينطق الوجد البراك
مين تلقي من بعد السنين
رائع يكون مصدر عزاك
وقف الرفاق راجين تمر
في موكبك مجدك ورآك
كرومه قداموا الخليل
وسرور يبشر لي لقاك
اصطفه ألاف الحلوق
وداع هنا ولفاء هناك
للجنة يا ضؤ النفوس
والجنة تسعد بي احتواك
الرياض / في / 10/6/ 2008م
عوض موسي فضل السيد

[/size][/size][/size][/size]

[/size]

» رمز الابداع الرائع عثمان حسين
» مجموعة من اغاني الفنان عثمان حسين