اسمك انتي

موضوع: اسمك انتي السبت سبتمبر 19, 2009 1:19 pm

بسم الله الرحمن الرحيم
اسمك
لما اسمع اسمك أنتي
كل شي يصبح مخالف
الطيور في سماها ترقص
والنفوس تصفي وتوالف
خضرة الأغصان تفرهد
والسحب تغزل سوالف
والزهور بالشوق تفتح
والظلال تهمس تلاطف
******
لما اسمع اسمك أنتي
الجنان تصبح دياري
وابقي اقرب لي عيونك
وتبقي بسماتك مداري
بعشقك أنا غصب عني
اصلو ريدك ما اختياري
*******
لما اسمع اسمك أنتي
أنسي بعدك والمسافة
شوقي يتعالي ويجادل
ويبقي ذي مارد ألخرافه
وابقي تائه في دروبك
بين ربي النيل والصحافة
*******
لما اسمع اسمك أنتي
حاجة فيني تكون غريبة
كيف قدرته بعاد عيونك
أنتي يا الغالية الحبيبة
كيف مشيت في دربي وحدي
وأنتي نسماتو الرطيبة
*****
يا بعاد قصقص جدا يلك
واطفي نار شوقي بتلاقي
خلي فيك للرحمة سكه
ما فضل في العمر باقي
أهدي عيني شوف عيونو
فرحة الروح والمآقي

عوض موسي فضل السيد
الرياض/ 5/6/2006م